၂၀၂၁ မှာ ဂျပန် LNG တင်သွင်းမှု လျော့ကျ၊ တရုတ်နိုင်ငံက LNG ကမ္ဘာ့အများဆုံးတင်သွင်းနိုင်ငံ ဖြစ်လာ

၂၀၂၁ မှာ ဂျပန် LNG တင်သွင်းမှု လျော့ကျ၊ တရုတ်နိုင်ငံက LNG ကမ္ဘာ့အများဆုံးတင်သွင်းနိုင်ငံ ဖြစ်လာ

၂၀၂၁ မှာ ဂျပန်နိုင်ငံရဲ့ သဘာဝဓာတ်ငွေ့ရည် liquefied natural gas (LNG) တင်သွင်းမှု ၂% လျော့ကျခဲ့ပါတယ်။ စုစုပေါင်း တန်ချိန် ၇၄.၃၂ သန်း တင်သွင်းခဲ့ပါတယ်။
တရုတ်နိုင်ငံက LNG ကမ္ဘာ့အများဆုံး  တင်သွင်းတဲ့ နိုင်ငံ ဖြစ်လာပါတယ်။ တင်သွင်းမှု ပမာဏ ၁၈% ပိုများခဲ့ပြီး စံချိန်တင်ခဲ့ပါတယ်။ စုစုပေါင်း တန်ချိန် ၇၈.၉၃ သန်း တင်သွင်းခဲ့ပါတယ်။

ရေနံစိမ်းတင်သွင်းမှုမှာလည်း ဂျပန်နိုင်ငံ လျော့ကျခဲ့တာ ၉ နှစ်ဆက်တိုက် ရှိပါပြီ။ ကားတွေမှာ လျှပ်စစ်- ဓာတ်ဆီ ၂ မျိုးစပ်ကားတွေ ပိုမိုသုံးစွဲလာကြတာနဲ့အမျှရေနံစိမ်း လိုအပ်ချက် လျော့ကျလာပါတယ်။ ရေနံစိမ်းတင်သွင်းမှု ၁.၂ % လျော့နည်းခဲ့ပြီး ပျမ်းမျှ တစ်ရက် စည် ၂.၅ သန်း တင်သွင်းခဲ့ပါတယ်။ ဂျပန် ဓာတ်ဆီ အသင်း Petroleum Association of Japan (PAJ) ရဲ့ အချက်အလက်များအရဘ၁၉၆၈ ခုနှစ်နောက်ပိုင်း အနည်းဆုံး စံချိန်သစ် ဖြစ်ပါတယ်။

လျှပ်စစ်ဓာတ်အားစက်ရုံသုံး မီးထိုးကျောက်မီးသွေး တင်သွင်းမှု ပိုများခဲ့ပါတယ်။ ၂၀၂၁ မှာ ၇.၇% ပိုများခဲ့ပြီး တန်ချိန် ၁၁၂.၉ သန်း တင်သွင်းခဲ့ပါတယ်။

တင်သွင်းမှု များပြားတဲ့ တရုတ်နိုင်ငံက ပိုလျှံ LNG များကို ပြန်ရောင်းထုတ်ဖို့ တင်ဒါများ ခေါ်ယူထားပါတယ်။

တရုတ်နိုင်ငံက ပိုလျှံ LNG ပြန်ရောင်းရန် တင်ဒါခေါ်