အောက်တိုဘာလ ၈ ရက် ရွှေဈေးငွေဈေး

အောက်တိုဘာ ၈ ရက်  တွင် ကမ္ဘာ့ဒေါ်လာစျေး အညွှန်းကိန်း ၉၄ ပွိုင့်ဝန်းကျင်ရှိကာ နိုင်ငံခြားငွေလဲနှုန်း တစ်ဒေါ်လာ ကျပ် ၂၂၀၀ ဝန်းကျင်သို့ ပြန်လည်ကျဆင်းသွားကြောင်း သိရပါတယ်။

ကျပ်ငွေတန်ဖိုးကျဆင်းနေခဲ့တာမှာ စက်တင်ဘာ ၂၉ ရက်တွင် နိုင်ငံခြားငွေလဲနှုန်း တစ်ဒေါ်လာ ကျပ် ၂၇၀၀ ဝန်းကျင်အထိ စံချိန်တင်ကျဆင်းခဲ့ပါတယ်။ 

အောက်တိုဘာ ၈ ရက် 
နိုင်ငံခြားငွေကြေးများ၏ လဲလှယ်မှုနှုန်းထားများမှာ 
ယူရို ၂၄၀၀ ကျပ်၊
 စင်ကာပူဒေါ်လာ ၁၄၇၀ ကျပ်၊ 
မလေးရှားရင်းဂစ် ၄၅၀ ကျပ်၊ 
ထိုင်းဘတ် ၆၂ ကျပ် လို့ သိရပါတယ်။

တရုတ်-မြန်မာနယ်စပ် မူဆယ်မြို့မှာ  တရုတ်ငွေလဲလှယ်နှုန်း ယွမ် ၁၀၀ ကို  မြန်မာကျပ် ၃၀,၀၀၀ အထိ ပြန်လည်ကျဆင်းလာတယ်လို့ သိရပါတယ်။ 

စက်တင်ဘာ ၂၈ ရက် တစ်ရက်တည်း ယွမ် ၁၀၀ ကို မြန်မာငွေကျပ် ၄ သောင်းအထိ ဈေးရောက်ရှိခဲ့ပြီးနောက်ပိုင်း ကျပ် ၃၃၀၀၀ ဝန်းကျင်အထိ ပြန်လည်ကျဆင်းခဲ့တာလို့ သိရပါတယ်။

စက်တင်ဘာလအတွင်းက တရုတ်ငွေယွမ် ၁၀၀ကို မြန်မာငွေ ၂၈၀၀၀ ဝန်းကျင်ကနေ ၄၀၀၀၀ ကျပ်အထိ ရက်ပိုင်းအတွင်း ဈေးတက်သွားတာဖြစ်ပြီး စက်တင်ဘာ ၂၈ရက်နောက်ပိုင်းကနေ အောက်တိုဘာ ၈ ရက်အထိ ယွမ် ၁၀၀ကို ၃ သောင်းကျပ်သာ ရရှိတော့တယ်လို့ သိရပါတယ်။

အောက်တိုဘာ ၈ ရက်တွင် ကမ္ဘာ့ရွှေစျေးဒေါ်လာ ၁၇၅၄ ဝန်းကျင်ရှိပြီး  ပြည်တွင်း ရွှေစျေးနှုန်းမှာ ကျပ် ၁၈၉၀၀၀၀ ဝန်းကျင်သို့ ရောက်ရှိလာကြောင်း သိရပါတယ်။ 
 ၁၆ ပဲရည် အခေါက်ရွှေစျေးနှုန်းမှာ ၁၈၉၀၀၀၀ ဝန်းကျင်ရှိနေပြီး ၁၅ ပဲရည် ရွှေစျေးနှုန်းမှာ ၁၇၄၁၀၀၀ ဝန်းကျင်ရှိနေကြောင်း သိရပါတယ်။ 

အောက်တိုဘာ ၈ ရက် 
အကယ်ဒမီ မီးလင်းရွှေ အဖွင့်အပိတ်ဈေးနှုန်းများ

မနက်ပိုင်း ၁၁ နာရီ ၃၇ မိနစ် အဖွင့်ဈေး
ကျပ် ၁,၉၁၀,၀၀၀

နေ့လယ်ပိုင်း ၁၂ နာရီ ၅ မိနစ် 
ကျပ် ၁,၈၈၅.၀၀၀

နေ့လယ်ပိုင်း ၁နာရီ ၂၅ မိနစ် 
ကျပ် ၁,၈၉၀,၀၀၀

ညနေပိုင်း ၂ နာရီ ၄၅ မိနစ် အပိတ်ဈေး
ကျပ် ၁,၈၉၁,၀၀၀

Source: news-eleven.com, YGEA, DVB