တောင်သူလယ်သမားဖွံ့ဖြိုးရေးဘဏ်လီမိတက် - မန္တလေး၏ ပထမဆုံးဘဏ်ခွဲကို မန္တလေးမြို့တွင်ဖွင့်လှစ်


19 May, 2022

တောင်သူလယ်သမားဖွံ့ဖြိုးရေးဘဏ်လီမိတက် - မန္တလေး၏ ပထမဆုံးဘဏ်ခွဲကို မန္တလေးမြို့တွင်ဖွင့်လှစ်


၂၀၂၂ ခုနှစ်အတွင်း ဘဏ်ခွဲများဖွင့်လှစ်ပြီး လူပုဂ္ဂိုလ်တစ်ဦးချင်းစီအတွက်သော်လည်းကောင်း၊ အသေးစားနှင့်အလတ်စားစီးပွားရေးလုပ်ငန်းများအတွက်သော်လည်းကောင်း  အဆင်ပြေလွယ်ကူစေမည့် ဘဏ်ဝန်ဆောင်မှုပေးအပ်နိုင်ရန် တောင်သူလယ်သမားဖွံ့ဖြိုးရေးဘဏ်လီမိတက် - မန္တလေးက အကောင်အထည်ဖော်ဆောင်ရွက်လျက်ရှိပါသည်။


 တောင်သူလယ်သမားဖွံ့ဖြိုးရေးဘဏ်လီမိတက် - မန္တလေး၏ ပထမဆုံး ဘဏ်ခွဲကို ဒီဇင်ဘာ ၂၉ ရက် ၂၀၂၁ မှစတင်၍ မန္တလေးမြို့၏ စီးပွါးရေးအချက်အချာကျသောနေရာ၌ ဘဏ်ဝန်ဆောင်မှုလုပ်ငန်း များကို ဆောင်ရွက်လျက်ရှိပါသည်။ ၎င်းဘဏ်သည် မြန်မာနိုင်ငံရှိ အသေးစားနဲ့ အလတ်စားစီးပွားရေးလုပ်ငန်းများ အတွက် ဒစ်ဂျစ်တယ်နည်းပညာဗဟိုပြု ထိပ်တန်းကူးသန်းရောင်းဝယ်ရေး ဘဏ်ဖြစ်လာရန် အကောင်အထည်ဖော် ဆောင်ရွက်လျက်ရှိသည်။ တောင်သူလယ်သမားဖွံ့ဖြိုးရေးဘဏ်လီမိတက် - မန္တလေးသည် Excellent Fortune Development Group (EFD Group) လက်အောက်ရှိ လုပ်ငန်းခွဲတစ်ခုအဖြစ် ရပ်တည်လည်ပတ်လျက်ရှိသော ငွေရေးကြေးရေး ဘဏ်လုပ်ငန်း ၀န်ဆောင်မှုလုပ်ငန်းတစ်ခု ဖြစ်သည်။ Excellent Fortune Development Group (EFD Group) သည်

  • ဘဏ်လုပ်ငန်း၊
  • အသက်အာမခံနှင့် အထွေထွေအာမခံလုပ်ငန်း၊
  • ဘဏ္ဍာရေးလုပ်ငန်းနှင့် အသေးစားငွေစုငွေချေးလုပ်ငန်း

အစရှိသော ဝန်ဆောင်မှု လိုင်စင်များစွာ ရရှိထားသည့် ကော်ပိုရိတ်လုပ်ငန်းစုကြီးတစ်ခုဖြစ်သည်။

 


တောင်သူလယ်သမားဖွံ့ဖြိုးရေးဘဏ်လီမိတက် - မန္တလေး၏ အမှုဆောင်အရာရှိချုပ်ဦး၀င်းလွင်က “FDB ဘဏ်ဟာ ၂၀၂၀ ခုနှစ် အစောပိုင်းလောက်မှာ မြန်မာနိုင်ငံတော်ဗဟိုဘဏ်ကနေ လုပ်ငန်း ခွင့်ပြုချက်လိုင်စင် ရရှိခဲ့တာ ဖြစ်ပါတယ်။ အခုဆိုရင် ကျွန်တော်တို့ဘဏ်ဟာ မိဘပြည်သူတွေကို ဘဏ်လုပ်ငန်းဆိုင်ရာ ဝန်ဆောင်မှုတွေပေးအပ်ဖို့ အဆင်သင့်ရှိနေပါပြီ။ အခု ဖွင့်လှစ်လိုက်တဲ့ မန္တလေးဘဏ်ခွဲမှာ ငွေစု၊ ငွေချေး ဝန်ဆောင်မှုတွေကို ဆောင်ရွက်ပေးနေပါပြီ။  မိုဘိုင်းနဲ့ အင်တာနက် ဘဏ်ဝန်ဆောင်မှု၊ မိုဘိုင်းပိုက်ဆံအိတ်နဲ့ ငွေသားမဲ့ ငွေပေးချေမှု၊ ငွေလွှဲပေးပို့ခြင်း၊ ATM/CRM ဝန်ဆောင်မှုနဲ့ အာမခံ လုပ်ငန်း အစရှိတဲ့ ဒစ်ဂျစ်တယ်နည်းပညာအသုံးချ ဘဏ်လုပ်ငန်းတွေကိုလည်း ဆက်လက်တိုးချဲ့သွားဖို့ရှိပါတယ်။” ဟု ပြောကြားခဲ့ပါသည်။


တောင်သူလယ်သမားဖွံ့ဖြိုးရေးဘဏ်လီမိတက် - မန္တလေး၏ ဘဏ်ခွဲများကို ၂၀၂၂ ခုနှစ်အတွင်း၌ ပြည်နယ်နှင့် တိုင်းဒေသကြီး (၈) ခုရှိ မြို့ပေါင်း (၁၁) မြို့တွင် တိုးချဲ့ဖွင့်လှစ်သွားနိုင်ရန် ကြိုးပမ်းဆောင်ရွက်လျက်ရှိပြီး ၂၀၂၄ ခုနှစ် အကုန်ပိုင်းတွင် ပြည်နယ်နှင့် တိုင်းဒေသကြီး (၁၂) ခုရှိ မြို့ပေါင်း အနည်းဆုံး (၂၀)မြို့ တို့တွင် တိုးချဲ့ဖွင့်လှစ်သွားနိုင်ရန် မျှော်မှန်းထား သည်။ တောင်သူလယ်သမားဖွံ့ဖြိုးရေးဘဏ်လီမိတက် - မန္တလေးအနေဖြင့် လွယ်ကူလျင်မြန်သော ဘဏ်လုပ်ငန်းကို ထောက်ပံ့ ပေးနိုင်သည့် နောက်ဆုံးပေါ်နည်းပညာများ၊ ထူးခြားဆန်းသစ်သော ဒီဂျစ်တယ် ဘဏ်၀န်ဆောင်မှုများဖြင့် အကောင်းဆုံး သော ဝန်ဆောင်မှု အတွေ့အကြုံ များပေးအပ်နိုင်ရန် ရည်ရွယ်ထားပါသည်။


ဆက်လက်၍ ဦး၀င်းလွင်က “စိုက်ပျိုးရေးကဏ္ဍတိုးတက်ဖွံ့ဖြိုးဖို့  အလေးထားဆောင်ရွက်နေတဲ့ ဘဏ်တစ်ခုအနေနဲ့ မန္တလေးတိုင်းဒေသကြီးအတွင်းက စိုက်ပျိုးရေးသမားနဲ့ လယ်သမားတွေအတွက်  အထူးချေးငွေအစီအစဉ်တွေ ပြုလုပ် ပေးသွားဖို့ရှိပါတယ်။ တောင်သူလယ်သမားဖွံ့ဖြိုးရေးဘဏ်လီမိတက် - မန္တလေးအနေနဲ့ စီးပွားရေးလုပ်ငန်းကြီးတွေ၊ အသေးစားနဲ့ အလတ်စားစီးပွားရေးလုပ်ငန်းတွေ၊ လူတစ်ဦးချင်းစီရဲ့ ငွေကြေးဆိုင်ရာ လိုအပ်ချက်တွေဖြည့်ဆည်းပေးနိုင်ဖို့နဲ့ သူတို့ တွေရဲ့  လုပ်ငန်းအရင်းအနှီးလိုအပ်ချက်တွေ၊ ရင်းနှီးမြုပ်နှံဖို့နဲ့ လုပ်ငန်းချဲ့ထွင်ဖို့အတွက် ပံ့ပိုးပေးနိုင်တဲ့ ငွေကြေးဆိုင်ရာ အစီအစဉ်တွေကိုလည်း စီစဉ်ဆောင်ရွက်ထားပါတယ်။” ဟု ထပ်လောင်းပြောကြားခဲ့ပါသည်။


ယခုအခါ မန္တလေးဘဏ်ခွဲတွင် ခေါ်ယူအပ်ငွေစာရင်း၊ ငွေစုစာရင်း၊ အချိန်ပိုင်းအပ်ငွေစာရင်း၊ ဘဏ်ချေးငွေဝန်ဆောင်မှု အစရှိသော ဝန်ဆောင်မှုအမျိုးမျိုးကိုရယူနိုင်ပြီဖြစ်သည်။ ဧပြီလ ၁ ရက်နေ့မှ စက်တင်ဘာလ ၃၀ ရက်နေ့အတွင်း ဘဏ်စာရင်းအသစ်ဖွင့်သူများအတွက် ဗလာမပါသော ဆုလက်ဆောင်များရယူနိုင်မည့် အထူးအစီအစဉ်တစ်ခုကို တောင်သူလယ်သမားဖွံ့ဖြိုးရေးဘဏ်လီမိတက် - မန္တလေးက စီစဉ်ထားပါသည်။  

 


တောင်သူလယ်သမားဖွံ့ဖြိုးရေးဘဏ်လီမိတက် - မန္တလေးသည် လူမှုဘဝမြှင့်တင်ပေးနိုင်မည့် ဒစ်ဂျစ်တယ်နည်းပညာ အခြေပြု ငွေကြေးဆိုင်ရာဝန်ဆောင်မှုများ ပေးအပ်နိုင်ရန်နှင့် ဝေးလံခေါင်သီသော နေရာဒေသများမှ သုံးစွဲသူများအတွက် ငွေကြေးဆိုင်ရာဝန်ဆောင်မှုများ ပေးအပ်သွားနိုင်ရန်လည်း ကြိုးပမ်းသွားမည်ဖြစ်သည်။
တောင်သူလယ်သမားဖွံ့ဖြိုးရေးဘဏ်လီမိတက် - မန္တလေးနှင့်ပတ်သက်သော အကြောင်းအရာများကိုဖြစ်စေ၊ အထူး အစီအစဉ်များ ကိုဖြစ်စေ သိရှိလိုပါက ဘဏ်၏ Facebook နှင့် LinkedIn လူမှုကွန်ယက်စာမျက်နှာများတွင် ဝင်ရောက် လေ့လာနိုင် ပါသည်။

အသေးစိတ်သိရှိလိုပါက ၀၉ ၇၇၇၇ ၈၈၈၈ ၁ ကိုဖုန်းခေါ်ဆို၍သော်လည်းကောင်း၊

[email protected] ကို စာပို့၍သော်လည်းကောင်း စုံစမ်းမေးမြန်းနိုင်ပါသည်။

 

 

Banking & Loan Read 344 times