ဥရောပသမဂ္ဂမှ SMEs လုပ်ငန်းများကို ယူရို ရှစ်သန်း ထောက်ပံ့ပေးမည်

ဥရောပသမဂ္ဂမှ SMEs လုပ်ငန်းများကို ယူရို ရှစ်သန်း ထောက်ပံ့ပေးမည် google

ဥရောပသမဂ္ဂမှ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSMEs) ကို ကူညီထောက်ပံ့မယ့် (ARISE Plus Myanmar) စီမံကိန်းအတွက် ယူရို ရှစ်သန်းကို လေးနှစ်တိုင်တိုင် ထောက်ပံ့မှာဖြစ်ကြောင်း ထုတ်ပြန်ထားပါတယ်။

ငွေကြေးထောက်ပံ့ခြင်းသဘောတူညီချက်စာချုပ် လွှဲပြောင်းပေးအပ်မှုအခမ်းအနားကို သြဂုတ် (၆) ရက်နေ့က နေပြည်တော်ရှိ Park Royal ဟိုတယ်မှာ ပြုလုပ်ခဲ့ကြောင်း သိရပါတယ်။

အဆိုပါ အာဆီယံဒေသတွင်းပေါင်းစည်းရေးနဲ့ မြန်မာနိုင်ငံကုန်သွယ်ရေးဆိုင်ရာအထောက်အကူပေးရေး (ARISE Plus Myanmar) စီမံကိန်းကို နိုင်ငံတကာကုန်သွယ်ရေးဌာန (ITC) နဲ့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနတို့ ပူးပေါင်းကာ အကောင်အထည်ဖော် လုပ်ဆောင်မှာ ဖြစ်ပါတယ်။

“မြန်မာနိုင်ငံရဲ့ ကုန်သွယ်ရေး ပိုမိုများပြားကျယ်ပြန့်စေဖို့နဲ့ ဒေသတွင်းရော၊ နိုင်ငံတကာနဲ့ပါ ပူးပေါင်းဆောင်ရွက်ရေး တိုးမြှင့်နိုင်ရန် ARISE Plus Myanmar စီမံကိန်းမှတဆင့် မြန်မာနိုင်ငံကို ကူညီထောက်ပံ့ရတဲ့အတွက် များစွာ ဂုဏ်ယူဝမ်းမြောက်ပါကြောင်း” မြန်မာနိုင်ငံရှိ ဥရောပသမဂ္ဂ ပူးပေါင်းဆောင်ရွက်ရေးဌာန (EUD) အကြီးအကဲ Dr. Johann Hesse က ပြောပါတယ်။

၎င်းစီမံကိန်း အကူအညီနဲ့ မြန်မာနိုင်ငံရဲ့ ကုန်သွယ်ရေးမူဝါဒကို ချမှတ်ကာ ဒေသဆိုင်ရာ (ASEAN) နဲ့ နိုင်ငံတကာဆိုင်ရာ (ကမ္ဘာ့ကုန်သွယ်ရေးအဖွဲ့ - WTO, EU) ရင်းနှီးမြှုပ်နှံမှုများ ရယူနိုင်တဲ့အပြင် တန်ဖိုးမြှင့် ကွင်းဆက် ကုန်ထုတ်လုပ်မှုစနစ်ဖြင့် ကုန်သွယ်ရေးအဟန့်အတားများကို လျော့ကျစေရန် ရည်ရွယ်ထားကြောင်း သိရပါတယ်။

SMEs လုပ်ငန်းများမှာ အထည်ချုပ်၊ ဆောက်လုပ်ရေးလုပ်ငန်းများ၊ တစ်နိုင်တစ်ပိုင် အလတ်စားလုပ်ငန်းများ ၊ အစားအသောက်လုပ်ငန်းများ၊ ခရီးသွားလုပ်ငန်းများ ပါဝင်နေပါတယ်။

 

Source: Mizzima
Myanmar Industry Directory

Read times Last modified on Wednesday, 14 August 2019 11:07
Rate this item
(1 Vote)