Local News



လာမည့် ဘဏ္ဍာနှစ်ကစ၍ အစိုးရက ကျွန်းနှင့် သစ်မာတန်ချိန် ( ၅၀,၀၀၀ ) လျှော့ထုတ်မည်

လာမည့် ဘဏ္ဍာနှစ်ကစ၍ အစိုးရက ကျွန်းနှင့် သစ်မာတန်ချိန် ( ၅၀,၀၀၀ ) လျှော့ထုတ်မည် google

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနအနေနဲ့ လာမယ့်ဘဏ္ဍာနှစ်မှာ ကျွန်းနဲ့ သစ်မာတန်ချိန် ( ၅၀,၀၀၀ ) လျှော့ချထုတ်လုပ်မှာဖြစ်ကြောင်း မြန်မာ့သစ်လုပ်ငန်း ဒုတိယအထွေထွေမန်နေဂျာ ဦးခင်မောင်မောင်က ဇူလိုင်လ ( ၆ ) ရက်နေ့က ပြောပါတယ်။

အစိုးရအနေနဲ့ သစ်ထုတ်လုပ်မှုလျှော့ချခြင်းဟာ အစိုးရရဲ့ ရည်ရွယ်ချက်ဖြစ်တဲ့ သဘာဝသယံဇာတထိန်းသိမ်းရေးလုပ်ငန်းစဉ်ရဲ့ တစ်စိတ်တစ်ပိုင်းဖြစ်ကြောင်း ၎င်းကပြောပါတယ်။ ဒါ့ပြင် ထုတ်လုပ်တဲ့အခါ နောက်ဆုံး ကျွန်းတန်ချိန် ( ၆,၀၀၀ ) နဲ့ သစ်မာ ( ၂၂၀,၀၀၀ ) ပဲ ထုတ်တော့မယ်လို့ ပြောပါတယ်။

လက်ရှိဘဏ္ဍာနှစ်မှာ ကျွန်းတန်ချိန် ( ၁၅,၀၀၀ ) နဲ့ သစ်မာတန်ချိန် ( ၃၃၀,၀၀၀ ) ထုတ်လုပ်ဖို့ မြန်မာ့သစ်လုပ်ငန်းက လျာထားပြီး အခုချိန်ထိ ကျွန်းသစ်တန် ( ၁၁,၉၁၀ ) ထုတ်လုပ်ထားပြီး သစ်မာတန်ချိန် ( ၃၀၀,၀၀၀ ) ကျော် ထုတ်ယူပြီးဖြစ်ကြောင်း သိရပါတယ်။

ဘဏ္ဍာနှစ်အလိုက် သစ်ထုတ်လုပ်မှုကို လျှော့ချမှာဖြစ်ပြီး ၂၀၁၉ - ၂၀၂၀ ဘဏ္ဍာနှစ်မှာ ကျွန်းသစ်တန်ချိန် ( ၁၀,၀၀၀ ) နဲ့ သစ်မာတန်ချိန် ( ၂၈၅,၀၀၀ )၊ ၂၀၂၀ -၂၁ ဘဏ္ဍာနှစ်မှာ ကျွန်းသစ်တန်ချိန် ( ၈,၀၀၀ ) နဲ့ သစ်မာတန်ချိန် ( ၂၅၀,၀၀၀ ) ထုတ်ယူဖို့ မြန်မာ့သစ်လုပ်ငန်းက သတ်မှတ်ထားပါတယ်။

အစိုးရအနေနဲ့ သစ်ထုတ်လုပ်မှုနဲ့ သစ်တောပြုန်းတီးမှုအခြေအနေများကို ထိန်းသိမ်းရန် ပြည်ပမှ သစ်တင်သွင်းခွင့်ကို ပြည်တွင်းကုမ္ပဏီတစ်ခုအား ဇွန်လက စမ်းသပ်ခွင့်ပြုခဲ့ပါတယ်။

 

Source: 7Day Daily
Myanmar Industrial Directory

Read times Last modified on Wednesday, 10 July 2019 10:35
Rate this item
(1 Vote)