Local News



မီတာခနှုန်းထားများ တိုးမြှင့်လိုက်ခြင်းကြောင့် ဆန်ကြိတ်ခွဲခဈေးနှုန်းများ မြင့်တက်လာ

မီတာခနှုန်းထားများ တိုးမြှင့်လိုက်ခြင်းကြောင့် ဆန်ကြိတ်ခွဲခဈေးနှုန်းများ မြင့်တက်လာ google

လျှပ်စစ်မီတာခနှုန်းထားများကို ဇူလိုင်လမှစတင်ပြီး တိုးမြှင့်ကောက်ခံလိုက်တာကြောင့် ဆန်နဲ့ ဆန်ကွဲတစ်အိတ် ကြိတ်ခွဲခဈေးနှုန်းများကိုလည်း ဇူလိုင်လ ( ၁ ) ရက်နေ့မှစတင်ကာ

အရင် ကျပ် ( ၁၃၀၀ ) မှ အခု ( ၁၅၀၀ ) အထိ ပြင်ဆင်သတ်မှတ်လိုက်ကြောင်း မြို့နယ်ဆန်စက်လုပ်ငန်းရှင်များအသင်း (ပုသိမ်) ထံမှ သိရပါတယ်။

ဇူလိုင်လ ( ၂ ) ရက်နေ့က ပုသိမ်မြို့နယ် ဆန်စက်လုပ်ငန်းရှင်များအသင်းရုံးမှာ ဆန်စက်ပိုင်များနဲ့ တွေ့ဆုံပြီး လျှပ်စစ်မီတာခနှုန်းထားများကို အရင်ကထက် ( ၃၀ ) ရာခိုင်နှုန်း၊ ( ၃၅ ) ရာခိုင်နှုန်း တိုးမြှင့်ပေးဆောင်ရမယ့်အပေါ် နဝလီ (အငှား) ကြိတ်ခွဲခများကိုလည်း သင့်တင့်တဲ့နှုန်းထား ပြင်ဆင်သတ်မှတ်နိုင်ရေးအတွက် အများညှိနှိုင်းဆွေးနွေးမှုအပေါ် အခြေခံကာ ပြင်ဆင်သတ်မှတ် ကောက်ခံခြင်းဖြစ်ကြောင်း ၎င်းအသင်းထံမှ သိရပါတယ်။

“ပဲခူးဘက်မှာကတော့ နဝလီ ကြိတ်တဲ့စက်တွေနည်းတယ်။ ကြိတ်ခကတော့ တိုးလိမ့်မယ်။ စပါးတစ်တင်းရဲ့ ကုန်ကျစရိတ်နဲ့ တက်လာမယ့်မီတာခ ကုန်ကျစရိတ်နဲ့တွက်ပြီး တိုးသွားလိမ့်မယ်။ တက်လည်း ဒီနှုန်းလောက်ပဲဖြစ်ပါလိမ့်မယ်” လို့ မြန်မာနိုင်ငံ ဆန်စက်လုပ်ငန်းရှင်များအသင်း တွဲဖက်အတွင်းရေးမှူး ဦးထင်ဇော်လှိုင်က ပြောကြားပါတယ်။

ဆန်နဲ့ ဆန်ကွဲကြိတ်ခွဲခကို တစ်အိတ်လျှင် ကျပ် ( ၂၀၀ ) တိုးမြှင့်လိုက်တာကြောင့် စပါးတစ်တင်းကြိတ်ပါက ဆန်အိတ် ( ၂၅ ) အိတ်ခန့်ထွက်ရှိကာ ကျပ် ( ၅၀၀၀ ) ခန့် တိုးမြှင့်ပေးဆောင်ရမှာဖြစ်ကြောင်း ၎င်းက ပြောပါတယ်။

ဆန်စက်များအနေနဲ့ အစိုးရကပေးတဲ့ လျှပ်စစ်ကို အများဆုံး အသုံးပြုနေကြခြင်းဖြစ်ပြီး မီးစက်နဲ့ ထရန်စဖော်မာများကိုလည်း အရန်သင့်ထားရှိရကြောင်း မြန်မာနိုင်ငံ ဆန်စက်လုပ်ငန်းရှင်များအသင်းထံမှ သိရပါတယ်။

“ဒီစာက မြို့နယ်က ထုတ်စရာမလိုဘူး။ သူတို့စာက တစ်နိုင်ငံလုံးကို ထိခိုက်သွားနိုင်တယ်။ ဒါက အစိုးရမီးလိုင်းသုံးတဲ့ဆန်စက်တွေသာ ဈေးနှုန်းတက်မယ်ပြောတာ။ တကယ်တမ်း ဒီဇယ်၊ ဂက်စ်နဲ့လည်တဲ့ ဆန်စက်တွေလည်းရှိတယ်။ အများကြီးပဲ။ ဒီဆန်စက်တွေကိုပါ တက်ခိုင်းတဲ့ပုံစံဖြစ်နေတယ်။ အဲဒီစက်တွေပါ အကျုံးဝင်သွားမှာစိုးတယ်” လို့ မြန်မာနိုင်ငံ ဆန်ကုန်သည်အသင်း ဗဟိုအလုပ်အမှုဆောင် ဦးထွန်းဝင်းက သုံးသပ်ပြောကြားပါတယ်။

ဒါ့အပြင် ဆန်ကြိတ်ခွဲခဈေးနှုန်းများ ပြင်ဆင်သတ်မှတ်လိုက်ခြင်းကြောင့် ဆန်ဈေးနှုန်းများပါ မြင့်တက်လာမှာကို စိုးရိမ်ကြောင်း ၎င်းကဆိုပါတယ်။

 

Source: The Voice
Myanmar Industrial Directory

Read times
Rate this item
(2 votes)