Local News



၂၀၂၀ ခုနှစ်တွင် ရန်ကုန်တိုင်းဒေသကြီးအတွက် လျှပ်စစ်ဓာတ်အား တိုးထုတ်ပေးမည်

၂၀၂၀ ခုနှစ်တွင် ရန်ကုန်တိုင်းဒေသကြီးအတွက် လျှပ်စစ်ဓာတ်အား တိုးထုတ်ပေးမည် google

၂၀၂၀ ခုနှစ်မှာ ရန်ကုန်တိုင်းဒေသကြီးကို ရည်ရွယ်ကာ လျှပ်စစ်ဓာတ်အား မဂ္ဂဝပ် ( ၁၄၀၀ ) ကို လျှပ်စစ်နှင့် စွမ်းအင်ဝန်ကြီးဌာနမှ ထုတ်လုပ်သွားမှာဖြစ်ကြောင်း

ရန်ကုန်တိုင်းဒေသကြီး လျှပ်စစ်စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ဇွန်လ ၅ ရက်နေ့ကပြုလုပ်ခဲ့တဲ့ တိုင်းဒေသကြီးအစိုးရ၏ တတိယ သုံးနှစ်တာ လုပ်ဆောင်ချက်များ သတင်းစာရှင်းလင်းပွဲမှာ ပြောကြားခဲ့ပါတယ်။

“ရန်ကုန်တိုင်းဒေသကြီးက မြန်မာနိုင်ငံမှာ အကျဉ်းဆုံး တိုင်းတစ်ခု ဖြစ်ပေမယ့် လျှပ်ဓာတ်အား သုံးစွဲမှုမှာ တစ်နိုင်ငံလုံး ထုတ်လုပ်မှုရဲ့ ထက်ဝက်ကျော်ကို သုံးစွဲနေတဲ့ တိုင်းဒေသကြီး တစ်ခုဖြစ်ပါတယ်။ ပျှမ်းမျှအားဖြင့် တစ်နှစ်ကို မဂ္ဂ၀ပ် ( ၁၅၀၀ ) ကနေ ( ၁၆၀၀ ) လောက်အထိကို သုံးစွဲနေတာ ဖြစ်ပါတယ်။ နှစ်စဉ်လည်း ဓါတ်အားသုံးစွဲမှုက တိုးတက်လာနေပါတယ်။ တစ်နှစ်ကို ( ၁၅ ) ရာခိုင်နူန်းလောက်ပဲ တက်မယ်လို့ မျှော်မှန်းထားတာကနေ အခုဆို ( ၂၀ ) ရာခိုင်နှုန်းအထိ တက်လာနေပြီဖြစ်ပါတယ်” လို့ ၎င်းက ပြောပါတယ်။

လက်ရှိ လျှပ်စစ်နှင့် စွမ်းအင်ဝန်ကြီးဌာနမှ ရန်ကုန်တိုင်းဒေသကြီးအတွက် ဓာတ်အားထုတ်လုပ်ဖို့ စီစဉ်နေခြင်းကြောင့် တိုင်းဒေသကြီးအစိုးရမှ ဓာတ်အားသွယ်တန်းခြင်း၊ ဖြန့်ဖြူးခြင်းအပိုင်းများကို ဆောင်ရွက်လျက်ရှိကြောင်း ၎င်းကပြောပါတယ်။

 

အခုနှစ်နွေရာသီမှာ ပိုမိုပူပြင်းတဲ့အတွက် ဓာတ်အားထုတ်လုပ်မှုမှာ ရေခမ်းခြောက်မှုများ ဖြစ်ပေါ်ခြင်းကြောင့် ဒီနှစ်အတွင်း လျှပ်စစ်ဓါတ်အား မကြာခဏ ပျက်တောက်ရခြင်းဖြစ်ကြောင်း သိရပါတယ်။ အခုအခါ ရန်ကုန်မှာ ဓာတ်အားပျက်တောက်မှုများ မဖြစ်ပေါ်စေဖို့ ကြိုးစားဆောင်ရွက်လျက်ရှိနေကြောင်း ဒေါ်နီလာကျော်က ပြောပါတယ်။

အရင်က ရန်ကုန်တိုင်းဒေသကြီးမှာ ကျေးရွာပေါင်း ( ၂၀၀၀ ) ကျော်ရှိတဲ့အနက် ကျေးရွာပေါင်း ( ၁၀၀၀ ) ကျော်မှာ လျှပ်စစ်မီးရရှိမူမရှိသေးဘဲ အစိုးရသစ်တက်ရောက်လာပြီးတဲ့ နောက်ပိုင်းမှာတော့ ငါးပုံသုံးပုံခန့် လျှပ်စစ်မီးရရှိနေပြီးဖြစ်ကြောင်း သိရပါတယ်။ ကျန်ရှိတဲ့ ၂နှစ် ကာလအတွင်း ကျေးရွာများအားလုံး မီးရရှိရေးအတွက် ဆောင်ရွက်သွားမှာဖြစ်ကြောင်း သိရပါတယ်။

တစ်နိုင်ငံလုံးအနေဖြင့် နေ့စဉ် လျှပ်စစ်ဓာတ်အား ( ၂၉၅၂.၇ ) မဂ္ဂါဝပ် သုံးစွဲလျက်ရှိပြီး နေပြည်တော်မှ ( ၁၂၀.၉ ) မဂ္ဂါဝပ်၊ ရန်ကုန်မှ ( ၁၁၀၅.၆ ) မဂ္ဂါဝပ် ၊ မန္တလေးမှ ( ၄၇၂.၂ ) မဂ္ဂါဝပ်နဲ့ အခြားသော ပြည်နယ်နဲ့ တိုင်းဒေသကြီးမှ ( ၁၂၅၄ ) မဂ္ဂါဝပ် သုံးစွဲလျက်ရှိကြောင်း သိရပါတယ်။

 

Source: Myanmar Business Today
Myanmar Industrial Directory

Read times
Rate this item
(0 votes)