Investment



ကိုရီးယား SMEs လုပ်ငန်းများ မြန်မာနိုင်ငံသို့ လာရောက်ရင်းနှီးမြှုပ်နှံရန် စိတ်ဝင်စားလျက်ရှိ

ကိုရီးယား SMEs လုပ်ငန်းများ မြန်မာနိုင်ငံသို့ လာရောက်ရင်းနှီးမြှုပ်နှံရန် စိတ်ဝင်စားလျက်ရှိ google

ကိုရီးယား SMEs လုပ်ငန်းများအနေနဲ့ အရင်က တရုတ်နဲ့ ဗီယက်နမ်နိုင်ငံတို့မှာ အများဆုံးရင်းနှီးမြှုပ်နှံကြပြီး အခုအခါ ၎င်းနိုင်ငံများမှာ လုပ်ငန်းတိုးချဲ့ဆောင်ရွက်ဖို့

အလားအလာနည်းပါးလာတဲ့အတွက် အင်ဒိုနီးရှား၊ ကမ္ဘောဒီးယားနဲ့ မြန်မာနိုင်ငံ စတဲ့ အရှေ့တောင်အာရှနိုင်ငံတွေဆီ ဝင်ရောက်ဖို့ ကြိုးပမ်းလျက်ရှိပါတယ်။

ကိုရီးယားအစိုးရအနေနဲ့လည်း ၎င်းတို့ရဲ့ SMEs များ အင်ဒိုချိုင်းနားနိုင်ငံများဆီ ဝင်ရောက်လုပ်ကိုင်နိုင်ရေးအတွက် News Southern Policy မူဝါဒတစ်ရပ်ချမှတ်ကာ လာရောက်ရင်းနှီးမြှုပ်နှံဖို့ ကြိုးပမ်းလျက်ရှိပါတယ်။

ကမ္ဘာ့စီးပွားရေးမှာ အဆင့် ( ၁၁ ) နေရာမှာရှိပြီး အာရှစီးပွားရေးမှာ အဆင့် ( ၄ ) နေရာနဲ့ ဦးဆောင်ထားတဲ့ ကိုရီးယားသမ္မတနိုင်ငံဟာ လက်ရှိမှာလည်း စီးပွားရေးဖွံ့ဖြိုးတိုးတက်မှု အကောင်းဆုံး အနေအထားရှိတဲ့ နိုင်ငံတစ်နိုင်ငံဖြစ်ပါတယ်။

မြန်မာနိုင်ငံနဲ့ ကိုရီးယားသမ္မတနိုင်ငံတို့ရဲ့ နှစ်နိုင်ငံ သံတမန်ဆက်ဆံရးကို ၁၉၇၅ ခုနှစ်က စတင်ခဲ့ပြီး နှစ်နိုင်ငံစီးပွားရေး ပူးပေါင်းဆောင်ရွက်ခြင်း၊ အကူအညီနဲ့ ချေးငွေအထောက်အပံ့များ ပေးအပ်ခြင်း၊ ပညာသင်ထောက်ပံ့ပေးခြင်းတို့ကို မြန်မာနိုင်ငံနဲ့ တက်တက်ကြွကြွ ပူးတွဲဆောင်ရွက်လျက်ရှိပါတယ်။

ကုန်သွယ်ရေးစာရင်းများအရ ၂၀၁၈ - ၂၀၁၉ ဘဏ္ဍာနှစ် အောက်တိုဘာလမှ ဇန်နဝါရီလအထိ မြန်မာနိုင်ငံမှ ပို့ကုန်တန်ဖိုး ဒေါ်လာ ( ၁၆၄.၅၄ ) သန်း တင်ပို့ခဲ့ပြီး ကိုရီးယားမှ ဒေါ်လာ ( ၁၅၂.၂၂ ) သန်း တင်သွင်းခဲ့တယ်လို့ သိရပါတယ်။ နှစ်နိုင်ငံကုန်သွယ်မှုတန်ဖိုးမှာ အရင်နှစ်ထက် ( ၃၅.၉၃ ) ရာခိုင်နှုန်း ပိုမိုတိုးတက်ခဲ့တယ်လို့ သိရပါတယ်။

 

ရင်းနှီးမြှုပ်နှံမှုစာရင်းများအရ မြန်မာနိုင်ငံမှာ လာရောက်ရင်းနှီးမြှုပ်နှံတဲ့ နိုင်ငံပေါင်း ( ၄၉ ) နိုင်ငံအနက် ကိုရီးယားနိုင်ငံဟာ ရင်းနှီးမြှုပ်နှံမှုအဆင့် ( ၆ ) နေရာမှာ ရှိပါတယ်။ ၂၀၁၉ ခုနှစ် ဧပြီလကုန်အထိ ကိုရီးယားနိုင်ငံမှ လုပ်ငန်းပေါင်း ( ၁၇၀ ) ခု လာရောက်ရင်းနှီးမြှုပ်နှံလျက်ရှိပြီး ကုန်ထုတ်လုပ်မှုကဏ္ဍမှာ အဓိကဆောင်ရွက်လျက်ရှိတယ်လို့ သိရပါတယ်။

ကိုရီယားနိုင်ငံမှ Land and Housing Corporation ပါဝင်တဲ့ ဖက်စပ်နိုင်ငံခြားရင်းနှီးမြှုပ်နှံနဲ့ KMIC Development Co.,Ltd. မှ အဆင့်မြင့် စက်မှုဇုန် ( Industrial Complex ) စီမံကိန်းကို ဖော်ဆောင်လျက်ရှိကြောင်း မြန်မာနိုင်ငံရင်းနှီးမြှုပ်နှံမှု ကော်မရှင်က ထုတ်ပြန်ထားပါတယ်။ ဒါ့အပြင် မကြာမီကာလအတွင်း ကိုရီးယား SMEs လုပ်ငန်းအများအပြား ကုန်ထုတ်လုပ်မှုကဏ္ဍမှာ ဝင်ရောက်လာတော့မယ်လို့လည်း ခန့်မှန်းထားပါတယ်။

 

Source: News and Periodical Enterprise ( NPE )
Myanmar Industrial Directory

Read times Last modified on Wednesday, 17 July 2019 10:40
Rate this item
(1 Vote)