Investment



ရေနံနှင့် သဘာဝဓာတ်ငွေ့ကဏ္ဍတွင် ( ၂၈ ) ရာခိုင်နှုန်းနဲ့ နိုင်ငံခြားရင်းနှီးမြှုပ်နှံမှု အများဆုံးရရှိထား

ရေနံနှင့် သဘာဝဓာတ်ငွေ့ကဏ္ဍတွင် ( ၂၈ ) ရာခိုင်နှုန်းနဲ့ နိုင်ငံခြားရင်းနှီးမြှုပ်နှံမှု အများဆုံးရရှိထား google

၁၉၈၈ ခုနှစ်မှ အခုနှစ် ဇွန်လကုန်အထိ ပြည်တွင်းစီးပွားရေးကဏ္ဍ ( ၁၂ ) ခုမှာ နိုင်ငံခြားရင်းနှီးမြှုပ်နှံမှုပမာဏ စုစုပေါင်း ဒေါ်လာ ( ၈၀ ) ဘီလီယံကျော်ရရှိထားကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်ရဲ့ စာရင်းများအရ သိရပါတယ်။

အခုနှစ် ဇွန်လကုန်အထိ နိုင်ငံခြားရင်းနှီးမြှုပ်နှံမှု အများဆုံးဝင်ရောက်ထားတဲ့ကဏ္ဍကတော့ ရေနံနဲ့ သဘာဝဓာတ်ငွေ့ကဏ္ဍဖြစ်ပြီး စုစုပေါင်းရင်းနှီးမြှုပ်နှံမှုရဲ့ ( ၂၇.၉၄ ) ရာခိုင်နှုန်း ဝင်ရောက်ထားပါတယ်။ လျှပ်စစ်ကဏ္ဍကတော့ ( ၂၆ ) ရာခိုင်နှုန်းနဲ့ ဒုတိယအများဆုံးနေရာမှာရှိနေပြီး တတိယနေရာမှာတော့ ကုန်ထုတ်လုပ်မှုကဏ္ဍက ( ၁၄ ) ရာခိုင်နှုန်းနဲ့ ရှိနေပါတယ်။

အရင်ဘဏ္ဍာနှစ်သုံးနှစ်တုန်းက ရေနံနဲ့ သဘာဝဓာတ်ငွေ့ကဏ္ဍမှာ နိုင်ငံခြားရင်းနှီးမြှုပ်နှံမှု ဝင်ရောက်ခြင်းမရှိဘဲ အခုဘဏ္ဍာနှစ်မှသာ ဒေါ်လာ ( ၁၀ ) သန်းကျော် ဝင်ရောက်ထားတာဖြစ်ပါတယ်။

၁၉၈၈ ခုနှစ်မှ အခုနှစ် ဇွန်လကုန်အထိ ( နှစ် ၃၀ အတွင်း ) ပြည်ပနိုင်ငံ ( ၄၉ ) နိုင်ငံမှ ပြည်တွင်းစီးပွားရေးကဏ္ဍ ( ၁၂ ) ခုမှာ လာရောက်ရင်းနှီးမြှုပ်နှံထားပါတယ်။ စင်ကာပူနိုင်ငံက ဒေါ်လာ ( ၂၁.၇၃၇ ) ဘီလီယံနဲ့ အများဆုံးရင်းနှီးမြှုပ်ထားပြီး တရုတ်နိုင်ငံမှ ဘီလီယံ ( ၂၀ ) ကျော်နဲ့ ဒုတိယအများဆုံးရင်းနှီးမြှုပ်နှံထားပါတယ်။ 

၂၀၁၈ - ၂၀၁၉ ဘဏ္ဍာနှစ် လေးလ ( ဇွန်လကုန် ) အထိ နိုင်ငံခြားရင်းနှီးမြှုပ်နှံမှုပမာဏ စုစုပေါင်း ( ၃.၁ ) ဘီလီယံကျော် ဝင်ရောက်ထားပြီး အစိုးရမှ အခုဘဏ္ဍာနှစ်မှာ နိုင်ငံခြားရင်းနှီးမြှုပ်နှံမှုကို ( ၅ ) ဘီလီယံကျော်မျှော်မှန်းထားပါတယ်။

မြန်မာနိုင်ငံ ရင်းနှီးမြှုပ်နှံမှုကော်မရှင်မှ ၂၀၁၉ ခုနှစ် ဇူလိုင်လ ၁၀ ရက်နေ့ ( ၁၁ / ၂၀၁၉ ) အစည်းအဝေးကနေ စက်မှုကဏ္ဍ၊ ဆောက်လုပ်ရေးကဏ္ဍနဲ့ အခြားဝန်ဆောင်မှုကဏ္ဍတို့မှ လုပ်ငန်းစုစုပေါင်း ( ၅ ) ခုကို ခွင့်ပြုပေးခဲ့ပါတယ်။ ၎င်းလုပ်ငန်းများရဲ့ ရင်းနှီးမြှုပ်နှံမှုပမာဏမှာ ဒေါ်လာ ( ၉၃.၂၀၀ ) သန်းရှိပြီး ပြည်တွင်းလုပ်သားတွေအတွက် အလုပ်အကိုင်အခွင့်အလမ်းပေါင်း ( ၅၃၅ ) နေရာ ဖန်တီးပေးနိုင်မှာ ဖြစ်ပါတယ်။

 

Ref: DICA, 7Day Daily
Myanmar Industrial Directory

Read times Last modified on Saturday, 13 July 2019 14:12
Rate this item
(0 votes)