Investment



မြန်မာ့စီးပွားရေးတိုးတက်ရန် လျှပ်စစ်ကဏ္ဍတွင် နှစ်ဆပိုမိုရင်းနှီးမြှုပ်ရန် လိုအပ်ဟု ကမ္ဘာ့ဘဏ်ဆို

မြန်မာ့စီးပွားရေးတိုးတက်ရန် လျှပ်စစ်ကဏ္ဍတွင် နှစ်ဆပိုမိုရင်းနှီးမြှုပ်ရန် လိုအပ်ဟု ကမ္ဘာ့ဘဏ်ဆို google

နိုင်ငံတစ်ဝန်း လျှပ်စစ်ဓာတ်အားပြတ်တောက်ခြင်းဟာ စီးပွားရေးတိုးတက်မှုအတွက် ကန့်သတ်ချက်ဖြစ်နေပြီး မြန်မာ့စီးပွားရေးပိုမိုတိုးတက်လာစေဖို့အတွက် လျှပ်စစ်ကဏ္ဍမှာ ရင်းနှီးမြှုပ်နှံမှုကို နှစ်ဆတိုးမြှင့်ဖို့ လိုအပ်ကြောင်း ကမ္ဘာ့ဘဏ်၏ ၂၀၁၉ မြန်မာ့စီးပွားရေးစောင့်ကြည့် အစီအရင်ခံစာမှာ ဖော်ပြထားပါတယ်။

ကမ္ဘာ့ဘဏ်ရဲ့ ခန့်မှန်းတွက်ချက်မှုများအရ လျှပ်စစ်သုံးစွဲမှုက တစ်နှစ်ကို (၁၁) ရာခိုင်နှုန်းဖြင့် ၂၀၃၀ ခုနှစ်အထိ ဆက်လက် တိုးတက်နေမှာဖြစ်တဲ့အတွက် အစိုးရအနေနဲ့ လက်ရှိဆောင်ရွက်နေမှုများကို သုံးဆအထိ တိုးမြှင့်ဆောင်ရွက်ဖို့ လိုအပ်ကြောင်း သိရပါတယ်။

ကမ္ဘာ့ဘဏ်ရဲ့ မြန်မာနိုင်ငံဆိုင်ရာအကြီးအကဲ Mr.Gevorg Sargsyan က “အစိုးရအနေနဲ့လည်း လျှပ်စစ်ကဏ္ဍနဲ့ ပတ်သက်ပြီး လုပ်ဆောင်နေတာတွေ တွေ့ရပါတယ်။ ဒီလျှပ်စစ် လိုအပ်ချက်ကို ဖြည့်ဆည်းထားနိုင်မှ နိုင်ငံခြားရင်းနှီးမြှုပ်နှံသူတွေကို ထိထိရောက်ရောက် ဖိတ်ခေါ်နိုင်မှာ ဖြစ်ပါတယ်” လို့ ပြောပါတယ်။

မြန်မာနိုင်ငံရဲ့ လျှပ်စစ်လိုအပ်ချက်က၂၀၂၅ ခုနှစ်မှာ ( ၈.၆ ) ဂီဂါဝပ်နဲ့ ၂၀၃၀ မှာ ( ၁၂.၆ ) ဂီဂါဝပ်အထိ ဖြစ်လာမှာဖြစ်ပြီး မြန်မာနိုင်ငံရဲ့ လက်ရှိ လျှပ်စစ်ထုတ်လုပ်နိုင်မှုက ( ၃.၆ ၀ ) ဂီဂါဝပ်သာရှိတာကြောင့် ၎င်းလိုအပ်ချက်များကို ဖြည့်ဆည်းဖို့အတွက် အလုံးစုံရင်းနှီးမြှုပ်နှံမှုက တစ်နှစ်ကို ဒေါ်လာ ( ၂ ) ဘီလီယံရှိရမှာဖြစ်ပြီး ၎င်းပမာဏဟာ အရင်ကထက် နှစ်ဆဖြစ်တယ်လို့ သိရပါတယ်။

ဒါ့ပြင် လက်ရှိ လျှပ်စစ်ဓာတ်အား ထုတ်လုပ်မှုကုန်ကျစရိတ်ကို ကာမိစေဖို့အတွက် သုံးစွဲသူများအပေါ် လျှပ်စစ်ဓာတ်အားဈေးနှုန်း စည်းကြပ်မှုကိုလည်း တိုးမြှင့်လုပ်ဆောင်ဖို့ လိုအပ်ကြောင်း ကမ္ဘာ့ဘဏ်က အကြံပြုထားပါတယ်။

 

ကမ္ဘာ့ဘဏ်အနေနဲ့ မြန်မာနိုင်ငံ ဒီမိုကရေစီနိုင်ငံရေးစနစ် ပြောင်းလဲခဲ့တဲ့အချိန်မှ စတင်ကာ နိုင်ငံရဲ့ ဆင်းရဲမွဲတေမှု လျှော့ချရေး၊ ပြည်သူ့ရင်းနှီးမြှုပ်နှံမှုနဲ့ အလုပ်အကိုင်အခွင့်အလမ်း ဖန်တီးပေးမှုများအတွက် ချေးငွေ အမေရိကန်ဒေါ်လာ (၂) ဘီလီယံကျော်အား မြန်မာအစိုးရကို ကူညီပေးထားကြောင်း သိရပါတယ်။

ဒါ့အပြင် အမျိုးသားလျှပ်စစ်မီးလင်းရေးစီမံချက် -၂၀၃၀ အတွက် လျှပ်စစ်နှင့် စွမ်းအင်ဝန်ကြီးဌာန၊ စိုက်ပျိုးမွေးမြူရေးနှင့် ဆည်မြောင်းဝန်ကြီးဌာတို့ကို ပင်မလျှပ်စစ်ဓာတ်အားလိုင်းနဲ့ ဓာတ်အားလိုင်းပြင်ပ လျှပ်စစ်ဓာတ်အားဖြန့်ချီရေး လုပ်ငန်းစဉ်များအတွက် အမေရိကန်ဒေါ်လာသန်း (၄၀၀) အား ၂၀၁၅ ခုနှစ်မှ စတင်ကာ ကူညီထောက်ပံ့ပေးလျက်ရှိကြောင်း သိရပါတယ်။

 

Source: BE NEWS, Irrawaddy
Myanmar Industrial Directory

Read times Last modified on Thursday, 20 June 2019 16:19
Rate this item
(1 Vote)