Banking & Loan



SME လုပ်ငန်းများ ရင်းနှီးငွေရရှိရန် A Bank တွင် ချေးငွေများ လျှောက်ထားနိုင်ပြီ

SME လုပ်ငန်းများ ရင်းနှီးငွေရရှိရန် A Bank တွင် ချေးငွေများ လျှောက်ထားနိုင်ပြီ A Bank

မြန်မာနိုင်ငံရှိ ပုဂ္ဂလိကဘဏ်များထဲမှ တစ်ခုအပါအဝင်ဖြစ်တဲ့ A Bank မှ SME လုပ်ငန်းများရဲ့ အရောင်းအဝယ်ကိစ္စများ၊ ကုန်ပစ္စည်းထုတ်လုပ်မှုများ၊ လုပ်အားခများနဲ့ အခြားသောလုပ်ဆောင်ချက်များအတွက် ကာလတိုချေးငွေအမျိုးအစားများကို ထုတ်ချေးပေးလျက်ရှိပါတယ်။

ကာလတိုချေးငွေဆိုတာ ကုမ္ပဏီအတွက် လိုအပ်တဲ့ငွေကြေးကွာဟမှုကို ဘဏ်မှစိုက်ထုတ်ပေးခြင်းဖြစ်ပါတယ်။ ( ဥပမာ - ရာသီဥတုအပေါ် မူတည်တဲ့လုပ်ငန်းများအတွက် ရရှိရန်နဲ့ ပေးရန်ရှိတို့ရဲ့ ငွေကြေးလိုအပ်ချက်ကို စိုက်ထုတ်ပေးခြင်းဖြစ်ပါတယ်။ )

A Bank မှ ထုတ်ချေးပေးလျက်ရှိတဲ့ ချေးငွေအမျိုးအစားများမှာ -
( ၁ ) လုပ်ငန်းလည်ပတ်ရင်းနှီးမြှုပ်နှံမှုချေးငွေ
( ၂ ) ပုံသေပိုင်ပစ္စည်းရင်းနှီးမြှုပ်နှံမှုချေးငွေ
( ၃ ) ရရန်ရှိ ကြွေးမြီများ ထောက်ပံ့မှုချေးငွေ
( ၄ ) အစိမ်းရောင်ရင်းနှီးမြှုပ်နှံမှုချေးငွေ
( ၅ ) စိုက်ပျိုးရေးစာချုပ်စာတမ်းချေးငွေ တို့ဖြစ်ပါတယ်။

ချေးငွေပမာဏ ကျပ်သိန်း (၁၀၀) မှ (၃၀၀၀) ထိ ထုတ်ချေးပေးမှာဖြစ်ပြီး ချေးငွေသက်တမ်းက အများဆုံး (၃)နှစ် ဖြစ်ပါတယ်။ အတိုးနှုန်းကတော့ တစ်နှစ်ကို ( ၁၃ ) % (ဘဏ်တိုးနှုန်း)နဲ့ ဘဏ်မှသတ်မှတ်ထားတဲ့ ဝန်ဆောင်ခပါဝင်မှာဖြစ်ပါတယ်။ ချေးငွေပေးဆပ်တဲ့အခါ လစဉ် (သို့မဟုတ်) (၃) လ တစ်ကြိမ် တိုးရင်းပေါင်းပုံစံနဲ့ ပေးချေရမှာဖြစ်ပါတယ်။

အပေါင်ပစ္စည်းအနေနဲ့ မြေနဲ့ အဆောက်အဦး၊ စက်ပစ္စည်းနဲ့ မော်တော်ယာဉ်အပေါင်၊ အပ်ငွေစာရင်း၊ ကုန်ပစ္စည်းအပေါင်၊ အစိုးရတင်ဒါစာချုပ်၊ ရွှေနဲ့ လက်ဝတ်ရတနာပစ္စည်းများ၊ ဂိုဒေါင်စာရင်း ( Third Party မှ စစ်ဆေးပြီး သဘောတူထားတဲ့ စပါးလက်ကျန်စာရင်း ) ၊ ကိုယ်ရေးကိုယ်တာအာမခံနဲ့ အဖွဲ့အစည်းအာမခံ၊ အိမ်ခြံမြေလုပ်ငန်း၊ ရွှေ့ပြောင်းနိုင်တဲ့ပစ္စည်းများကို ဘဏ်မှာ အပေါင်ထားရမှာပဲဖြစ်ပါတယ်။

ကန့်သတ်ထားတဲ့အချက်အလက်များ-
( ၁ ) တစ်ဦးတည်းလုပ်ငန်းပိုင်ရှင် (သို့) ဥပဒေအရလုပ်ပိုင်ခွင့်ရှိသူ
( ၂ ) အသက် (၂၀ မှ ၆၅) နှစ်ကြား (တစ်ဦးတည်း customer အတွက်)
( ၃ ) လုပ်ငန်းကောင်းမွန်ကြောင်း လုပ်ဆောင်ချက်နှင့် ဘဏ္ဍာရေးရှင်းတမ်းမှတ်တမ်း။
( ၄ ) A Bank မှသတ်မှတ်ထားသော အခြားတိကျသော အချက်အလက်များ။

ချေးငွေလျှောက်ထားဖို့အတွက် လိုအပ်တဲ့အချက်အလက်များကို နီးစပ်ရာ A Bank ဘဏ်ခွဲတိုင်းမှာ စုံစမ်းလျှောက်ထားနိုင်သလို့ A Bank Call Center နဲ့ A bank website link ဖြစ်တဲ့ https://www.abank.com.mm/my_MM/business-banking/sme/  မှာလည်း အသေးစိတ်ဝင်ရောက်ကြည့်ရှုစုံစမ်းမေးမြန်းနိုင်ပါတယ်။

 

Source: SME Development Department, A Bank
Myanmar Industrial Directory

Read times Last modified on Thursday, 18 July 2019 17:21
Rate this item
(1 Vote)