Banking & Loan



Ongo က ကျေးလက်ရှိ ငွေချေးသူများ လွယ်ကူစွာ ငွေပေးသွင်းနိုင်ဖို့ BRAC နဲ့ ပူးပေါင်း

Ongo က ကျေးလက်ရှိ ငွေချေးသူများ လွယ်ကူစွာ ငွေပေးသွင်းနိုင်ဖို့ BRAC နဲ့ ပူးပေါင်း google

ကျေးလက်ရှိ ငွေချေးသူများ လွယ်ကူစွာ ငွေပေးနိုင်ဖို့ မြန်မာနိုင်ငံရှိ business - to - business (B2B) ဒစ်ဂျစ်တယ်ငွေပေးချေမှုလုပ်ငန်းမှာ ဈေးကွက်ဦးဆောင်နေတဲ့ Ongo က

မြန်မာနိုင်ငံ အသေးစားငွေချေးမှုလုပ်ငန်းဖြစ်တဲ့ BRAC Myanmar Microfinance Company (BRAC) နဲ့ ပူးပေါင်းဆောင်ရွက်မှာဖြစ်တယ်လို့ သိရပါတယ်။

Ongo ရဲ့ CEO ဖြစ်သူ Allen Gilstrap က “ BRAC ဟာ မြန်မာနိုင်ငံမှာ ဈေးကွက်ဦးဆောင်နေတဲ့ အသေးစားငွေချေးလုပ်ငန်းများထဲက တစ်ခုဖြစ်ပြီးတော့ ခိုင်မာတဲ့ နိုင်ငံတကာအခြေစိုက်မှုလဲ ရှိပါတယ်။ BRAC နဲ့ အကျိုးတူပူးပေါင်းဆောင်ရွက်ခွင့်ရတာရယ်၊ ဒစ်ဂျစ်တယ်ပုံစံ လုံးဝပြောင်းလဲတဲ့နေရာမှာ အရေးပါတဲ့ ဝန်ဆောင်မှုလုပ်ငန်းကို လုပ်ကိုင်ခွင့်ရတဲ့အတွက် အရမ်းကို ပျော်ရွှင်မိပါတယ်” လို့ ပြောပါတယ်။

Ongo နဲ့ BRAC တို့ဟာ ငွေချေးသူများအတွက် မြန်မာနိုင်ငံရှိ BRAC ရုံးခွဲ ( ၄ ) ခုမှစတင်ပြီး ဝန်ဆောင်မှုများကို ကျယ်ကျယ်ပြန့်ပြန့် ဆောင်ရွက်သွားမယ်လို့ သိရပါတယ်။ BRAC မှ ငွေချေးသူများက ချေးငွေများ ပြန်လည်ပေးသွင်းတဲ့အခါ ဒစ်ဂျစ်တယ်နည်းလမ်းနဲ့ Ongo mobile app ( သို့မဟုတ် ) Ongo Agent မှ Ongo QR Card နဲ့ လွယ်ကူမြန်ဆန်စွာ ပြန်လည်ပေးသွင်းနိုင်မှာဖြစ်ပါတယ်။

BRAC ဟာ ၂၀၁၄ ခုနှစ်ကပင် ငွေချေးသူ တစ်သိန်းသုံးသောင်းကျော်ကို အမေရိကန်ဒေါ်လာ ( ၇၆ ) သန်းကျော် ထုတ်ချေးထားခဲ့ကြောင်း BRAC ရဲ့ စာရင်းများအရ သိရပါတယ်။ ဘင်္ဂလားဒေ့ရ်ှမှာ ရုံးချုပ်တည်ရှိကာ နယ်သာလန်နိုင်ငံမှာ မှတ်ပုံတင်ထားပြီး အသေးစားငွေချေးလုပ်ငန်းအပြင် ပညာရေး၊ ကျန်းမာရေးနဲ့ စိုက်ပျိုးရေးလုပ်ငန်းတွေလို အခြားဖွံ့ဖြိုးတိုးတက်မှုလုပ်ငန်းများကိုလည်း လုပ်ကိုင်နေတယ်လို့ BRAC မှ သိရပါတယ်။

Ongo mobile Wallet ကို မြန်မာအရှေ့တိုင်းဘဏ်လီမိတက်ရဲ့ ပူးပေါင်းဆောင်ရွက်မှု အကူအညီနဲ့ ၂၀၁၇ ခုနှစ်မှာ တရားဝင် စတင်မိတ်ဆက်ကတည်းက Ongo mobile Wallet အကောင့်တွေကို မြန်မာအရှေ့တိုင်းဘဏ် (MOB) မှတဆင့် မြန်မာနိုင်ငံဗဟိုဘဏ်မှ Mobile Banking လိုင်စင် (MBL) နဲ့ ထိန်းချုပ်ဆောင်ရွက်ထားတယ်လို့ သိရပါတယ်။

 

Source: The Voice, Kumudra
Myanmar Industrial Directory

Read times
Rate this item
(1 Vote)