Banking & Loan



အသေးစားငွေကြေးလုပ်ငန်းများအတွက် ချေးငွေအတိုးနှုန်းများ ပြောင်းလဲသတ်မှတ်

အသေးစားငွေကြေးလုပ်ငန်းများအတွက် ချေးငွေအတိုးနှုန်းများ ပြောင်းလဲသတ်မှတ် mmtimes.com

အသေးစားငွေရေးကြေးရေးအဖွဲ့ဝင်များအနေနဲ့ အသင်းဝင်တွေရဲ့ ချေးငွေများအပေါ် အတိုးနှုန်းကောက်ခံတဲ့အခါ ကျပ် ( ၁၀၀ ) ကို တစ်လလျှင် ၂ ကျပ် ၃၀ ပြားနဲ့ တစ်နှစ်လျှင် ( ၂၈ ) ရာခိုင်နှုန်းထက် ပိုပြီးကောက်ခံခွင့်မရှိကြောင်း အသေးစားငွေရေးကြေးရေးလုပ်ငန်းကြီးကြပ်မှုကော်မတီက ဇွန်လ ( ၅ ) ရက်နေ့မှာ ထုတ်ပြန်ထားပါတယ်။

ဒါ့ပြင် ချေးငွေအပေါ် အတိုးနှုန်းတွက်ချက်တဲ့အခါမှာလည်း သက်ရောက်အတိုးနှုန်း ( Effective Rate ) ဖြင့်သာ တွက်ချက်ကောက်ခံရမှာဖြစ်ပါတယ်။

အဆိုပါထုတ်ပြန်ချက်မှာ မဖြစ်မနေစုဆောင်းငွေ ( Compulsory Saving ) များအတွက် ကျပ် ( ၁၀၀ ) လျှင် အတိုးနှုန်းက ၁ ကျပ် ၂၀ ပြားနဲ့ တစ်နှစ်ကို အတိုးနှုန်း ( ၁၄ ) ရာခိုင်နှုန်းထက် မနည်းစေဘဲ ပေးဆောင်ရမယ်လို့ ဖော်ပြထားပါတယ်။

ဆန္ဒအလျောက်စုဆောင်းငွေ ( Voluntary Saving ) များအတွက် ကျပ် ( ၁၀၀ ) လျှင် အတိုးနှုန်းက ပြား ( ၈၀ ) ခန့်နဲ့ တစ်နှစ်ကို အတိုးနှုန်း ( ၁၀ ) ရာခိုင်နှုန်းထက် မနည်းပေးဆောင်ရမှာဖြစ်ပါတယ်။

 

ဒါ့အပြင် အသေးစားငွေရေးကြေးရေးအဖွဲ့အစည်းများအနေနဲ့ အခြားကောက်ခံတဲ့ အခကြေးငွေများဖြစ်တဲ့ ချေးငွေဝန်ဆောင်မှုစရိတ်၊ ဘဏ်ဝန်ဆောင်မှုစရိတ်၊ ဒဏ်ကြေးများ၊ ဒစ်ဂျစ်တယ် ငွေကြေးဝန်ဆောင်မှုအတွက် ကောက်ခံတဲ့ ဝန်ဆောင်ခ၊ လူမှုရေးထောက်ပံ့ငွေအတွက် ထည့်ဝင်ကြေး၊ အသက်အာမခံကြေး၊ အသင်းဝင်ကြေး၊ စာအုပ်နဲ့ စာရွက်စာတမ်းကြေး၊ သတ်မှတ်ချိန်ထက်စော၍ ပြန်လည်ပေးဆပ်မှုအတွက် ကောက်ခံတဲ့ ဝန်ဆောင်ခနှုန်းထားများမှာ တစ်နှစ်အတွက် ချေးငွေပမာရဲ့ ( ၂ ) ရာခိုင်နှုန်းထက် မပိုရလို့ ထုတ်ပြန်ထားပါတယ်။

ချေးငွေထုတ်ချေးတဲ့ကာလ တစ်နှစ်အောက်နဲ့ တစ်နှစ်အထက် ချေးငွေများကို ချေးငွေပမာဏရဲ့ ( ၂ ) ရာခိုင်နှုန်းအပေါ် အခြေခံကာ ချေးငွေသက်တမ်းအလိုက် တွက်ချက်ကောက်ခံရမှာဖြစ်ပါတယ်။

 

Source: အသေးစားငွေရေးကြေးရေးလုပ်ငန်းကြီးကြပ်မှုကော်မတီ
Myanmar Industrial Directory

Read times
Rate this item
(2 votes)