Agriculture & Livestock



နိုင်ငံတကာ နယ်စပ်ကုန်သွယ်ရေးစခန်းအဖြစ် အဆင့်မြှင့်သွားမည့် ညောင်နှစ်ပင်စိုက်ပျိုးမွေးမြူရေးဇုန်

နိုင်ငံတကာ နယ်စပ်ကုန်သွယ်ရေးစခန်းအဖြစ် အဆင့်မြှင့်သွားမည့် ညောင်နှစ်ပင်စိုက်ပျိုးမွေးမြူရေးဇုန် imyanmarhouse.com

ရန်ကုန်တိုင်းဒေသကြီး၊ လှည်းကူးမြို့နယ်အတွင်းရှိ ညောင်နှစ်ပင်စိုက်ပျိုးမွေးမြူရေးဇုန်ကို အဆင့်မြှင့်တင်ကာ နိုင်ငံတကာဈေးကွက် နယ်စပ်ကုန်သွယ်ရေးစခန်းအဖြစ် ထားရှိဖို့

ဆောင်ရွက်သွားမှာဖြစ်ကြောင်း ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ရန်ကုန်တိုင်းဒေသကြီးအစိုးရအဖွဲ့ရုံး စိုက်ပျိုးရေးဝန်ကြီးဌာနရဲ့ GAP လက်မှတ်ပေးအပ်ပွဲမှာ ပြောကြားခဲ့ပါတယ်။

ဝန်ကြီးချုပ်က ''မူဆယ်နယ်စပ်ကုန်သွယ်ရေးစခန်းလိုမျိုး ရန်ကုန်မှာ ညောင်နှစ်ပင်စိုက်ပျိုးမွေးမြူရေးဇုန်ကို အဆင့်မြှင့်တင်သွားမယ်။ အဲဒီမှာနယ်စပ်ကို ကုန်စည်တွေသွားပြီး ပိတ်ဆို့လို့ ပျက်စီးတာမျိုးမဖြစ်အောင်၊ ရန်ကုန်ကို ကုန်စည်တွေ တိုက်ရိုက်လာစရာမလိုဘဲ နယ်မြို့တွေကတဆင့် နိုင်ငံခြားပို့ကုန်အဖြစ် အရောင်းအဝယ်ဖြတ်ပြီးမှ ပစ္စည်းပို့နိုင်အောင် ဆောင်ရွက်သွားမယ်။ တညင်းကုန်းဈေးကို ဒီဈေးကွက်အတွက် အဓိကထားဖွင့်လှစ်ထားတာ"လို့ ပြောပါတယ်။

ပြည်တွင်းလုပ်ငန်းရှင်များအနေနဲ့ နယ်စပ်ဂိတ်တွေကနေတဆင့် အရောင်းအဝယ်ပြုလုပ်တဲ့အခါ တစ်ဖက်နိုင်ငံက ဝယ်သူမရှိတဲ့အချိန်မျိုးမှာ သိုလှောင်ဖို့အခက်အခဲရှိတဲ့အတွက် ဈေးနှုန်းနည်းနည်းနဲ့ ရောင်းချရတာကြောင့် ထိခိုက်နစ်နာမှုများ မကြာခဏကြုံတွေ့နေရတယ်လို့ ကုန်သည်များထံမှ သိရပါတယ်။

ဒါ့ကြောင့် ရန်ကုန်တိုင်းအတွင်း အရောင်းအဝယ်ပြုလုပ်ပြီးမှသာ နယ်စပ်ဂိတ်များကို ကုန်စည်သယ်သွားနိုင်တဲ့ အခြေအနေမျိုးကို ပြောင်းလဲနိုင်ဖို့အတွက် ရန်ကုန်ဈေးကွက်ကို ပိုမိုတိုးချဲ့လုပ်ဆောင်ရန် ပြင်ဆင်နေကြောင်း ဝန်ကြီးချုပ်က ပြောပါတယ်။

 

Source: The Voice
Myanmar Industrial Directory

Read times Last modified on Thursday, 04 July 2019 10:58
Rate this item
(1 Vote)