Agriculture & Livestock



ကျွဲ၊ နွားအရှင်များ ပြည်ပသို့ တင်ပို့ရာတွင် လုပ်ဆောင်ရမည့် လုပ်ငန်းစဉ်များ

ကျွဲ၊ နွားအရှင်များ ပြည်ပသို့ တင်ပို့ရာတွင် လုပ်ဆောင်ရမည့် လုပ်ငန်းစဉ်များ google

ကျွဲ၊ နွား မွေးမြူရေးကဏ္ဍဖွံ့ဖြိုးတိုးတက်မှုကို အထောက်အကူပြုစေဖို့အတွက် မြန်မာနိုင်ငံအတွင်းရှိ စီးပွားဖြစ်မွေးမြူရေးခြံများနဲ့ တစ်ပိုင်တစ်နိုင်မွေးမြူထားတဲ့

ကျွဲ၊ နွားအရှင်များကို ပြည်တွင်းစားသုံးမှုနဲ့ လုပ်ငန်းခွင်အသုံးပြုမှုကို မထိခိုက်စေဘဲ တည်ဆဲဥပဒေများနဲ့အညီ ပြည်ပကို တရားဝင်တင်ပို့ခွင့်ပြုထားပါတယ်။

ကျွဲ၊ နွားအရှင်များကို ပြည်ပသို့ တင်ပို့တဲ့အခါ လုပ်ဆောင်ရမယ့်လုပ်ငန်းစဉ်များကို အောက်မှာဖော်ပြပေးလိုက်ပါတယ်။

( ၁ ) ကျွဲ၊ နွားအရှင်များ ပြည်ပကို တင်ပို့ရန်အတွက် တိရစ္ဆာန်ကျန်းမာရေးထောက်ခံချက် လက်မှတ်ပေါင်းချုပ် ရရှိဖို့ သတ်မှတ်ချက်နဲ့အညီ လျှောက်ထားခြင်း၊
( ၂ ) ယာယီစုဆောင်းရပ်ကို သယ်ဆောင်ခြင်း၊ စစ်ဆေးခြင်းနဲ့ အတည်ပြုအမှတ်အသား ( Micro Chip Ear - Tag ) ထည့်သွင်းမှု ခံယူခြင်း၊
( ၃ ) သယ်ဆောင်ရာလမ်းကြောင်းရှိ မွေးမြူရေးနှင့် ကုသရေးဦးစီးဌာနမှ သတ်မှတ်ထားတဲ့ ကြားစခန်းများမှာ စစ်ဆေးခံခြင်း၊
( ၄ ) Animal Quarantine Station ( AQS ) မှာ စစ်ဆေးခံခြင်းပြီး Animal Quarantine Certificate ရယူခြင်း၊
( ၅ ) နယ်စပ်စခန်းရှိ မွေးမြူရေးနှင့် ကုသရေးဦးစီးဌာနကို မွေးမြူရေးနှင့် ကုသရေးဦးစီးဌာနမှ ထုတ်ပေးထားတဲ့ စာရွက်စာတမ်းအထောက်အထားများကို ပြန်လည်အပ်နှံခြင်း၊။

ကျွဲ၊ နွားအရှင်များ ပြည်ပကို တင်ပို့မယ့် လုပ်ငန်းရှင်များအနေနဲ့ ကျွဲ၊ နွားအတွက် တိရစ္ဆာန်ကျန်းမာရေးထောက်ခံချက် လက်မှတ်ပေါင်းချုပ် ရရှိဖို့ မွေးမြူရေးနှင့် ကုသရေးဦးစီးဌာနကို လျှောက်ထားတဲ့အခါ အောက်ပါသတ်မှတ်ချက်များနဲ့အညီ လျှောက်ထားရမှာဖြစ်ပါတယ်။

( ၁ ) ကုမ္ပဏီ ( Letter Head ) ဖြင့် တင်ပို့မယ့်နိုင်ငံကို ဖော်ပြကာ ညွှန်ကြားရေးမှူးချုပ်၊ မွေးမြူရေးနှင့် ကုသရေးဦးစီးဌာနကို လိပ်မူလျှောက်ထားရပါမယ်။
( ၂ ) မွေးမြူရေးခြံမှတ်ပုံတင် ( AHD/ PC - 7 ) / ယာယီစုဆောင်းရပ်အတည်ပြုလက်မှတ်မိတ္တူ ပါရှိရပါမယ်။
( ၃ ) ကုမ္ပဏီမှတ်ပုံတင်လက်မှတ်မိတ္တူ ပါရှိရပါမယ်။
( ၄ ) ယာယီစုဆောင်းရပ်ထားရှိမယ့်နေရာ ပါရှိရပါမယ်။
( ၅ ) ကုန်အရောင်းဝယ်စာချုပ် ပါရှိရပါမယ်။
( ၆ ) ကုန်ပစ္စည်းအမှာလွှာ ပါရှိရပါမယ်။
( ၇ ) တိရစ္ဆာန်ထိန်းသိမ်းစောင့်ကြည့်စစ်ဆေးရေးစခန်းမှာ ထားရှိပြီး ကျန်းမာရေးစစ်ဆေးမှု ခံယူမယ့်အကြောင်းနဲ့ မွေးမြူရေးနှင့် ကုသရေးဦးစီးဌာနရဲ့ တည်ဆဲဥပဒေများကို လိုက်နာဆောင်ရွက်မယ့်အကြောင်း ဝန်ခံချက်ပါရှိရပါမယ်။

ကျွဲ၊ နွားအရှင်များ ပြည်ပကို တင်ပို့တဲ့အခါ လိုအပ်တဲ့ ထောက်ခံချက်များကိုလည်း ဖော်ပြပေးလိုက်ပါတယ်။ ၎င်းတို့မှာ -
( ၁ ) ကာကွယ်ဆေးထိုးပြီးကြောင်း ထောက်ခံချက်လက်မှတ် Animal Health and Development/ Prevention & Control Form- 1 ( AHD/ PC- 1 )
( ၂ ) တိရစ္ဆာန်ကျန်းမာရေးထောက်ခံချက်လက်မှတ် Animal Health and Development/ Prevention & Control Form - 3 ( AHD/ PC- 3 )
( ၃ ) မွေးမြူရေးခြံလုပ်ငန်း မှတ်ပုံတင်လက်မှတ် Animal Health and Development/ Prevention & Control Form -7 ( AHD/ PC- 7 )
( ၄ ) တိရစ္ဆာန်ကျန်းမာရေးထောက်ခံချက် လက်မှတ်ပေါင်းချုပ်၊
( ၅ ) သယ်ဆောင်တဲ့ ယာဉ်မှာပါရှိတဲ့ အကောင်အရေအတွက်ပါမှတ်တမ်း၊
( ၆ ) ရပ်ကွက်/ ကျေးရွာအုပ်စု အုပ်ချုပ်ရေးမှူးရဲ့ ကိုယ်ပိုင်နွားဖြစ်ကြောင်း ထောက်ခံချက်/ နွားပွဲဈေးအရောင်းအဝယ်စာချုပ်။

 

Source: Ministry of Commerce
Myanmar Industrial Directory

Read times
Rate this item
(1 Vote)